వైద్యులకు వాసవి వనితా వాగ్దేవి క్లబ్ ఘన సన్మానం.డాక్టర్స్ డే సందర్భంగా స్ఫూర్తిదాయక కార్యక్రమం
కరీంనగర్, జూలై 1:వైద్యులు మన జీవితంలో దైవస్వరూపులని గుర్తుచేస్తూ, డాక్టర్స్ డే సందర్భంగా వాసవి వనితా వాగ్దేవి క్లబ్ ఆధ్వర్యంలో కరీంనగర్ భగత్నగర్లోని కిడ్స్ పాఠశాలలో ఘన సన్మాన కార్యక్రమం నిర్వహించారు.ఈ సందర్భంగా కరీంనగర్కు చెందిన ప్రముఖ వైద్యులను శాలువాలు కప్పి, పుష్పగుచ్ఛాలతో సత్కరించారు. హృద్రోగ నిపుణులు డా. పబ్బ కైలాష్, డా. పబ్బ అనీష్, ఎముకల నిపుణుడు డా. చాకిలం వేణుగోపాల్, ప్రభుత్వ వైద్యాధికారి డా. లావణ్య, వైకిరణ నిపుణురాలు డా. రావికంటి చైతన్య, మూలవాత నిపుణుడు డా. గంప సందీప్, స్త్రీ రోగ నిపుణురాలు డా. గంప సౌమ్యలపై క్లబ్ అభినందనలు తెలియజేసింది.ప్రధాన అతిథిగా ప్రాంతీయ అధ్యక్షురాలు శ్రీమతి పాత రాధా కిషన్ హాజరయ్యారు. ఈ సందర్భంగా క్లబ్ అధ్యక్షురాలు శ్రీమతి రాచకొండ రూపశ్రీ మాట్లాడుతూ,వైద్య వృత్తి అత్యంత పవిత్రమైనది. దేవుడు ప్రాణం ఇస్తే, వాటిని కాపాడే శక్తి వైద్యులది. వైద్యులు అంటే దేవుడి రూపమే,అని పేర్కొన్నారు.అలానే, సామాజిక సేవలో విశేష సేవలందించిన మెతుకుల సంతోష్ రెడ్డి, పోస్ట్మాన్ సంతోష్ కుమార్ను కూడా ఈ సందర్భంగా సన్మానించారు.క్లబ్ ఉపాధ్యక్షురాలు కోలేటి విశాల, కార్యదర్శి ఒజ్జల రాజమణి, ఖజానాదారు గంప హరిణి తదితర సభ్యులు ఈ కార్యక్రమాన్ని విజయవంతంగా నిర్వహించారు. అనంతరం పాల్గొన్నవారికి అల్పాహారం ఏర్పాటు చేశారు.
About The Author
